Ադրբեջանը շարունակում է ապատեղեկատվություն տարածել․ Արցախի ՊՆ
1 րոպեի ընթերցում
![Ադրբեջանը շարունակում է ապատեղեկատվություն տարածել․ Արցախի ՊՆ](http://armenpress.am/resized/480/static/news/b/2023/08/1117285.jpg)
ՍՏԵՓԱՆԱԿԵՐՏ, 12 ՕԳՈՍՏՈՍԻ, ԱՐՄԵՆՊՐԵՍ։ Ադրբեջանի ՊՆ-ն օրվա ընթացքում տարածել է երկրորդ ապատեղեկատվությունը: «Արմենպրես»-ն այս մասին տեղեկանում է Արցախի Հանրապետության պաշտպանության նախարարության տարածած հաղորդագրությունից։
«Ադրբեջանի ՊՆ հաղորդագրությունն այն մասին, թե իբր ՊԲ ստորաբաժանումները օգոստոսի 12-ին ժամը 15:00-ի սահմաններում կրակ են բացել Մարտունու շրջանի օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է»,- նշված է Արցախի ՊՆ-ի հաղորդագրության մեջ։