Կիպրոսը դատապարտում է Լաչինի միջանցքի  շարունակվող շրջափակումը և խորապես մտահոգված է ԼՂ հումանիտար ճգնաժամով

ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ։ Կիպրոսը դատապարտում է Լաչինի միջանցքի շարունակվող շրջափակումը և խորապես մտահոգված է Լեռնային Ղարաբաղի հումանիտար ճգնաժամով։

«Արմենպրես»-ի փոխանցմամբ՝ այս մասին Կիպրոսի արտաքին գործերի նախարարությունը հրապարակում է արել «Թվիթեր»-ի իր պաշտոնական միկրոբլոգում։ Հրապարակումն «Ֆեյսբուք»-ի իր էջում տեղադրել է Հունաստանում, Կիպրոսում և Ալբանիայում ՀՀ դեսպան Տիգրան Մկրտչյանը։

«Ադրբեջանը պետք է շտապ վերացնի շրջափակումը և երաշխավորի անվտանգությունն ու տեղաշարժի ազատությունը ՝ համաձայն 2020 թվականի հրադադարի հայտարարության և Միջազգային դատարանի որոշման»,- նշված է հրապարակման մեջ։

Cyprus condemns the ongoing blockade of the #LachinCorridor & is deeply concerned with the humanitarian crisis in #NagornoKarabakh.#Azerbaijan must urgently lift the blockade and guarantee safety & freedom of movement, in line with the 2020 ceasefire statement & ICJ decision.

— Cyprus MFA (@CyprusMFA) July 28, 2023