1 րոպեի ընթերցում
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: «Radient Ray of music» երգի միջազգային մրցույթում Հայաստանի պատվիրակներ Նարեկ Ասատրյանն ու Կարինե Վարդանյանը փայլուն ելույթ են ունեցել և երկու մրցութային օրերի արդյունքում Նարեկ Ասատրյանը, վաստակելով ժյուրիի բացարձակ առավելագույն միավորները, արժանացել էմրցույթի գլխավոր մրցանակին, իսկԿարինե Վարդանյանը՝ 3-րդ մրցանակին:
«Արմենպրես»-ի հաղորդմամբ՝ Երևանի Շառլ Ազնավուրի անվան մշակույթի և արվեստի պետական քոլեջից հայտնում են, որ մրցույթն անցկացվել է հունիսի 29-ից հուլիսի 3-ը՝Մոլդովայի Հանրապետության Քիշնև քաղաքում:
Մրցույթին մասնակցել են ներկայացուցիչներ Մոլդովայից, Ուկրաինայից, Բուլղարիայից, Լատվիայից, Լիտվայից, Էստոնիայից, Իտալիայից, Ղազախստանից, Իսրայելից, Բոսնիա և Հերցեգովինայից: