ՀՀ արդարադատության նախարարը կհանդիպի Եվրոպայի խորհրդի բարձրաստիճան պաշտոնատար անձանց հետ

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: ՀՀ արդարադատության նախարար Գրիգոր Մինասյանը հունիսի 11-14-ը կգործուղվի Ստրասբուրգ, որտեղ կհանդիպի Եվրոպայի խորհրդի բարձրաստիճան պաշտոնատար անձանց հետ: «Արմենպրես»-ն այս մասին տեղեկացավ ՀՀ վարչապետ Նիկոլ Փաշինյանի որոշումից, որը հրապարակվել է ՀՀ էլեկտրոնային կառավարման կայքում։

«Հայաստանի Հանրապետության արդարադատության նախարար Գրիգոր Մինասյանին 2023 թվականի հունիսի 11-14-ը գործուղել Ֆրանսիայի Հանրապետություն (Ստրասբուրգ)՝ Եվրոպայի խորհրդի բարձրաստիճան պաշտոնատար անձանց հետ հանդիպումներ ունենալու նպատակով»,- ասվում է որոշման մեջ: