388.33
ՀՀ Վարչապետը հույս ունի, որ Թուրքիայում տեղի ունեցած ընտրություններից հետո հայ-թուրքական հարաբերությունների կարգավորման գործընթացը կշարունակվի
1 րոպեի ընթերցում
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ։ Վարչապետ Նիկոլ Փաշինյանը հույս ունի, որ Թուրքիայում տեղի ունեցած նախագահական ընտրություններից հետո հայ-թուրքական հարաբերությունների կարգավորման գործընթացը բնականոն կերպով կշարունակվի: «Արմենպրես»-ի հաղորդմամբ՝ վարչապետն այս մասին ասաց ԱԺ մշտական հանձնաժողովների համատեղ նիստում «ՀՀ 2022 թ. պետական բյուջեի կատարման մասին» տարեկան հաշվետվության նախնական քննարկումների ժամանակ։
«Մենք հույս ունենք, որ Թուրքիայում տեղի ունեցած նախագահական ընտրություններից հետո կկարողանանք Թուրքիայի հետ մեր հարաբերությունների կարգավորման գործընթացը բնականոն կերպով շարունակել։ Սա նույնպես մեր օրակարգի կարևորագույն հարցերից է»,- նկատեց վարչապետը։
Հիշեցնենք, որ Թուրքիայում տեղի ունեցած նախագահական ընտրությունների երկրորդ փուլի արդյունքներով՝ Ռեջեփ Թայիփ Էրդողանը վերընտրվել է նախագահի պաշտոնում։
