ԱԺ հանձնաժողովի փակ նիստի ժամանակ Մհեր Սահակյանը հարձակվել է Վլադիմիր Վարդանյանի վրա, հարվածել ու փախել․ Կոնջորյան
1 րոպեի ընթերցում
![ԱԺ հանձնաժողովի փակ նիստի ժամանակ Մհեր Սահակյանը հարձակվել է Վլադիմիր Վարդանյանի վրա, հարվածել ու փախել․ Կոնջորյան](http://armenpress.am/resized/480/static/news/b/2023/03/1107644.jpg)
ԵՐԵՎԱՆ, 31 ՄԱՐՏԻ, ԱՐՄԵՆՊՐԵՍ։ Ազգային ժողովի պետաիրավական հանձնաժողովի փակ նիստի ժամանակ իշխանական և ընդդիմադիր պատգամավորների միջև միջադեպ է տեղի ունեցել։ Ինչպես տեղեկացնում է«Արմենպրես»-ը, «Քաղաքացիական պայմանագիր» խմբակցության ղեկավար Հայկ Կոնջորյանը «Ֆեյսբուք»-ի իր էջում գրել է, որ Ազգային Ժողովի պետաիրավական հանձնաժողովում փակ քննարկման ժամանակ ընդդիմադիր «Հայաստան» խմբակցության պատգամավոր Մհեր Սահակյանը հարձակվել է հանձնաժողովի նախագահ Վլադիմիր Վարդանյանի վրա, հարվածել, մարմնական վնասվածքներ հասցրել վերջինիս և փախել:
«Այս խայտառակ խուլիգանությունը պետք է ունենա հստակ քրեաիրավական հետևանք»,- գրել է նա։