Պատմության հետագծով

ԵՐԵՎԱՆ, 14 ՄԱՐՏԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1879 թ. մարտի 14-ին ծնվել է Ալբերտ Այնշտայնը՝ տեսաբան ֆիզիկոս (մահ.՝ 1955 թ.):

-1883 թ. մարտի 14-ին մահացել է Կառլ Մարքսը՝ գերմանացի փիլիսոփա, տնտեսագետ, համայնավար, մարքսիզմի հիմնադիրը:

-1948 թ. մարտի 14-ին ծնվել է Ալբերտ Ստեփանյանը՝ հայ պատմագետ, թարգմանիչ, մշակութաբան, պատմական գիտությունների դոկտոր, պրոֆեսոր։

-1972 թ. մարտի 14-ին ծնվել է Արամ Պետրոսյանը՝ կոմպոզիտոր, բանաստեղծ, շարականագետ, նարեկացիագետ:

-1973 թ. մարտի 14-ին մահացել է Հովարդ Այկենը՝ ամերիկացի ինժեներ:

-1980 թ. մարտի 14-ին ծնվել է Նելլի Ուվարովան՝ ռուսական թատրոնի եւ կինոյի հայազգի դերասանուհի, Յախոնտովի եւ Սմոլենսկու անվան մրցույթների դափնեկիր:

-1984 թ. մարտի 14-ին մահացել է Հովհաննես Շիրազը՝ հայ մեծանուն բանաստեղծ։ Հայկական ԽՍՀ պետական մրցանակի դափնեկիր (1975, «Համամարդկային» բանաստեղծությունների ժողովածուի համար), (ծնվ.՝ 1915 թ.):

-2013 թ. մարտի 14-ին մահացել է Արամայիս Սահակյանը՝ հայ գրող, բանաստեղծ, երգիծաբան, հրապարակախոս (ծնվ.՝ 1936 թ.):

Հետաքրքրական է

«Ավդոյի մեքենան»՝ 1966 թ. «Հայֆիլմ» կինոստուդիայում նկարահանված սեւ-սպիտակ ֆիլմ։ Կինոնկարը պատմում է այն հակասության մասին, որ առաջանում է խորհրդային կարգերի հաստատման տարիներին հին Երեւանի առաջին ավտովարորդի ու կառապանների միջեւ։

Սցենարի հեղինակներ՝ Վ. Արամյան, Դմիտրի Կեսայանց, բեմադրող ռեժիսոր՝ Դմիտրի Կեսայանց, բեմադրող օպերատորներ՝ Լեւոն Աթոյանց, Ս. Իսրայելյան, կոմպոզոզիտոր՝ Էդգար Հովհաննիսյան:

Դերերում.

-Ավդո՝ Մայիս Ղարագյոզյան,

-Նվարդ՝ Սիլվա Ասլանյան,

-մաեստրո Սուրեն՝ Հովհաննես Մսրյան,

-Մարգար՝ Իվան Գրիկուրով,

-Դավո՝ Ս. Մխիթարյան,

-Սամսոն՝ Մուրադ Կոստանյան,

-Կակալոեւ՝ Գեւորգ Ոսկանյան,

-միականջանի՝ Ժիրայր Պետրոսյան,

-կառապան-ինտելիգենտ՝ Արմեն Խոստիկյան։

Ա. Հ.