1 րոպեի ընթերցում
ՍՏԵՓԱՆԱԿԵՐՏ, 18 ՀՈՒՆՎԱՐԻ, ԱՐՄԵՆՊՐԵՍ։ Ադրբեջանի կողմից Լաչինի միջանցքը փակելու հետևանքով Հայաստանում մնացած արցախցի 16 երեխաներ վերադարձել են Արցախ ու միավորվել իրենց ընտանիքների հետ։
«Արմենպրես»-ի փոխանցմամբ՝ այս մասին հայտնել է հաղորդավար Էրիկ Անթառանյանը, ով այս պահին գտնվում է Ստեփանակերտում։
Արցախ են վերադարձել այն երեխաները, որոնք Երևան էին ժամանել «Մանկական Եվրատեսիլ» երգի մրցույթին դահլիճից հետևելու համար և չէին կարողացել տուն վերադառնալ, քանի որ Ադրբեջանը փակել էր Լաչինի միջանցքը։
«Ավտոբուսն արդեն ժամանեց Ստեփանակերտ։ 16 երեխա Եվրատեսիլի հայտնի խմբից կարողացան վերջապես միավորվել իրենց ծնողների հետ։ Լուրն այսօր էր հասել, և որևէ մեկը չէր ուզում այդ մասին հայտնել, մինչև երեխաները Ստեփանկարետ չհասնեին։ Շնորհավորում եմ բոլորիս, 16 երեխա այսօր միավորվեց իրենց ընտանիքների հետ»,- նշում է Անթառանյանը։