«Բացե՛ք Արցախի կյանքի ճանապարհը». մշակութային գործիչները քայլերթ են իրականացնում դեպի դեսպանատներ

2 րոպեի ընթերցում

ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Ադրբեջանցիների կողմից Լաչինի միջանցքն օրեր շարունակ փակելու պատճառով մի խումբ մշակութային գործիչներ Ազատության հրապարակից երթ են նախաձեռնել դեպի դեսպանատներ: «Արմենպրես»-ի հաղորդմամբ, կազմակերպիչներին են միացել հազարավոր քաղաքացիներ:

Այս ոչ քաղաքական ակցիայի նախաձեռնողներն են արցախցի երգիչներ Արտեմ Վալտերը և Լյոկան: Նախաձեռնողների ներկայացմամբ՝ նպատակը միջազգային հանրությանը տեղեկացնելն է խնդրի մասին, ինչպես նաև բլոկադայի մեջ հայտնված 120 հազար արցախցիներին այս կերպ ցույց տալը, որ իրենք մենակ չեն: Ակցիայի մասնակիցները «Բացե՛ք կյանքի ճանապարհը», «Արցախը ես եմ» վանկարկումներով քայլում են դեպի դեսպանատների շենքեր:

Հաղորդավար Արմեն Վարդանյանը լրագրողների հետ զրույցում ասաց, որ ակցիան լուծում կտա այնքանով, որ արտերկրում գտնվող մարդը կտեսնի, որ Հայաստանում մարդիկ անտարբեր չեն Արցախի և Արցախի ժողովրդի խնդիրների նկատմամբ: Նրա խոսքով, եթե բողոքի ակցիաներ չլինեն, ճանապարհը փակողները կմտածեն, որ դեռևս 15 օր էլ կարող են փակ պահել ճանապարհը:

Դերասանուհի Թամարա Պետրոսյանը, որը ծնունդով Արցախից է, ասաց, որ ծնողները, եղբայրն ու մյուս հարազատները ևս շրջափակման մեջ են: Նար խոսքով՝ Երևանում էլ ունի Արցախից ընկերներ, որոնք եկել են ու չեն կարողանում վերադառնալ: Դերասանուհու խոսքով՝ նման ակցիաների նպատակը միջազգային հանրության ուշադրությունը հրավիրելն է, որպեսզի վերջիններս համոզվեն՝ այս հարցով ցույցերի դուրս եկողներն օրեցօր ավելանում են: Ակցիայի մասնակիցները դեսպանատների շենքերի մոտ ակցիա անելուց հետո գնալու են ՄԱԿ-ի երևանյան գրասենյակի մոտ: Այտեղ էլ օրեր շարունակ նստացույց են անում Արցախի պետնախարարի խորհրդական, Արցախի նախկին ՄԻՊ Արտակ Բեգլարյանը և գործող ՄԻՊ Գեղամ Ստեփանյանը: Վերջիններս Հայաստան էին եկել աշխատանքային այցով, և այլևս չեն կարողացել հետ վերադառնալ:

Դեկտեմբերի 12-ից Լաչինի միջանցքը փակ է ադրբեջանցի «բնապահպանների» կողմից:

Հայերեն

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա