368.54
Հայաստանի ազգային արխիվի տնօրեն է նշանակվել Արթուր Ստեփանյանը
1 րոպեի ընթերցում
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ:Հաղթահարելով «Հայաստանի ազգային արխիվ» պետական ոչ առևտրային կազմակերպության տնօրենի թափուր պաշտոնը զբաղեցնելու համար հայտարարված մրցույթի հարցազրույցի փուլը, Արթուր Ստեփանյանը Արդարադատության նախարարի պարտականությունները կատարող Գրիգոր Մինասյանի հրամանով նշանակվել է տնօրենի պաշտոնում։
Այս մասին «Արմենպրես»-ին հայտնում են ՀՀ Արդարադատության նախարարությունից, նշելով, որ դեկտեմբերի 15-ին արդարադատության նախարարության գլխավոր քարտուղար Սիրվարդ Գևորգյանն Ազգային արխիվի աշխատակազմին է ներկայացրել նորանշանակ տնօրենին՝ մաղթելով բեղմնավոր գործունեություն և տոկունություն։
Գլխավոր քարտուղարը համոզմունք է հայտնել, որ Արթուր Ստեփանյանի մասնագիտական երկարամյա փորձի ներդրմամբ Ազգային արխիվի հետագա զարգացումն ու կայացումը կթևակոխի նոր փուլ։
Նշվում է, որ Արթուր Ստեփանյանն ունի պետական համակարգում աշխատանքի երկարամյա փորձ. զբաղեցրել է ՀՀ դատական դեպարտամենտի ղեկավարի խորհրդականի, ՀՀ դատական դեպարտամենտի ղեկավարի տեղակալի պաշտոնները։
Բաժանորդագրվեք մեր ալիքին Telegram-ում