1 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Ֆուտբոլի աշխարհի առաջնություններում մեկնարկում են քառորդ եզրափակիչի հանդիպումները:
«Արմենպրես»-ի հաղորդմամբ` կիսաեզրափակիչի առաջին ուղեգրի համար կպայքարեն Խորվաթիան և Բրազիլիան: Այդ հանդիպումը կմեկնարկի Երևանի ժամանակով ժամը 19:00-ին:
Երեկոյան` 23:00-ին, կկայանա մյուս հանդիպումը` Նիդերլանդներ-Արգենտինա: Այս զույգերի հաղթողները կիսաեզրափակիչում կմրցեն միմյանց դեմ:
Մունդիալի առաջին կիսաեզրափակիչը կկայանա դեկտեմբերի13-ին, իսկ երկրորդը` 14-ին: Աշխարհի առաջնության չեմպիոնը կորոշվի դեկտեմբերի 18-ին: