Հայաստանի ու Հունգարիայի ԱԳ նախարարները պայմանավորվել են վերականգնել դիվանագիտական հարաբերությունները

2 րոպեի ընթերցում

ԵՐԵՎԱՆ, 1 ԴեԿՏԵՄԲԵՐԻ, ԱՐՄԵՆՊՐԵՍ։ Հայաստանի ԱԳ նախարար Արարատ Միրզոյանը հանդիպել է Հունգարիայի ԱԳ նախարար Պետեր Սիյարտոյի հետ, նախարարները պայմանավորվածություն են ձեռք բերել լիարժեք վերականգնելու դիվանագիտական հարաբերությունները:

«Արմենպրես»-ի հաղորդմամբ, այս մասին ասվում է ԱԳ տարածած հաղորդագրությունում:

«Դեկտեմբերի 1-ին Լոձում ԵԱՀԿ նախարարական համաժողովի շրջանակներում տեղի է ունեցել Հայաստանի և Հունգարիայի ԱԳ նախարարներ Արարատ Միրզոյանի և Պետեր Սիյարտոյի հանդիպումը։ Կողմերը արձանագրել են հայ ու հունգարացի ժողովուրդների միջև գոյություն ունեցող պատմամշակութային խորը կապերը և ընդհանուր քրիստոնեական ժառանգությունը, և ընդգծել Հայաստանի և Հունգարիայի միջև հարաբերությունների բարելավման կարևորությունը։

Զրուցակիցները նաև ընդգծել են պաշտոնապես որպես ազգային փոքրամասնություն ճանաչված Հունգարիայի հայ համայնքի դերը, որը հանդիսանում է երկու երկրները կապող կամուրջներից մեկը։ Նախարարները մտքեր են փոխանակել Հայաստանի ու Հունգարիա հարաբերությունների ներկա փուլի վերաբերյալ:

Նրանք պայմանավորվածություն են ձեռք բերել վերականգնելու լիարժեք դիվանագիտական հարաբերությունները՝ մտադրությունը հայտնելով նոր էջ բացել հայ-հունգարական հարաբերություններում՝ հիմնված փոխադարձ վստահության և միջազգային իրավունքի նկատմամբ հարգանքի վրա։ Ի շարունակություն հանդիպման՝ երկու կառավարությունները ոչ ռեզիդենտ դեսպաններ կնշանակեն՝ ուսումնասիրելու հարաբերությունների զարգացման հնարավորությունները, հատկապես առևտրի, մշակույթի, կրթության և զբոսաշրջության ոլորտներում։ Առաջիկա օրերին կմեկնարկեն անհրաժեշտ դիվանագիտական և վարչական ընթացակարգերը»,-նշվում է հաղորդագրությունում:

Հայաստանի և Հունգարիայի միջև դիվանագիտական հարաբերությունները կասեցվել են 2012 թվականին, Հայաստանի ազգային անվտանգության խորհրդի որոշմամբ: Պատճառը 2004-ին Բուդապեշտում ադրբեջանցի զինվորական Ռամիլ Սաֆարովի կողմից հայ լեյտենանտ Գուրգեն Մարգարյանին քնած ժամանակ կացնահարելու դեպքից հետո Հունգարիայում իր պատիժը կրող Սաֆարովին Ադրբեջան արտահանձնելն էր:

Հայերեն العربية English Español Français Русский

Ադրբեջանը շարունակում է ապատեղեկատվություն տարածել՝ չներկայացնելով ոչ մի փաստական տվյալ կամ հիմնավորում. ՀՀ ՊՆ

Մեծ Բրիտանիան և ԵՄ-ն կքննարկեն ռուսական սառեցված ակտիվների բռնագրավումը

Հայաստանում աղքատության ցուցանիշն աստիճանաբար նվազում է․ փոխնախարար

Հալեպի նահանգապետն ու Հայաստանի գլխավոր հյուպատոսը քննարկել են երկկողմ համագործակցության ամրապնդման վերաբերյալ հարցեր

ՀՀ ԱԳՆ գլխավոր քարտուղարը Էստոնիայի գործընկերոջը հրավիրել է «Երևանյան երկխոսության» միջազգային համաժողովին

Երևանի քաղաքապետարանը կարևորում է 2024-ին 171 ավտոբուսի և 15 էլեկտրական տրոլեյբուսի ձեռքբերումը

Արտենի-Արագածավան ավտոճանապարհին տեղի ունեցած վթարի հետևանքով կա 4 զոհ

Որևէ մեկն Ադրբեջանին չի ասում՝ ինչո՞ւ ես Իսրայելից, Թուրքիայից զենք գնում․ թուրք լրագրող

ԼՂ-ից բռնի տեղահանված ավելի քան 21800 անձ աշխատանքի է անցել Հայաստանում

Իսկական ձվի համը. Baghramyan & Co. ֆերման վերաբրենդավորվել է