1 րոպեի ընթերցում
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Երևանի «Սուրմալու» առևտրի կենտրոնում օգոստոսի 14-ին տեղի ունեցած հրդեհի և պայթյունի զոհերի թիվը հասել է 7-ի։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում տեղեկացրել է ՀՀ արտակարգ իրավիճակների նախարարության մամուլի խոսնակ Հայկ Կոստանանը։
«Քիչ առաջ փլատակներից փրկարարները դուրս են բերել ևս մեկ դի։
Այս պահի դրությամբ ունենք 7 զոհ:
Որոնողա-փրկարարական աշխատանքները շարունակվում են»,- նշել է նա։
ՀՀ ԱԻՆ-ի վերջին տվյալներով՝ պայթյունից հետո Երևան քաղաքի բժշկական կեմտրոններ է դիմել 60 քաղաքացի, որոնցից 13-ը շարունակում է բուժում ստանալ, իսկ մնացած 47-ը, ստանալով համապատասխան բուժօգնություն, դուրս է գրվել։
Անհետ կորած կարող է համարվել 21 մարդ, որոնցից 5-ը՝ Իրանի, 1-ը՝ Ռուսաստանի քաղաքացի։