Թուրքիայում 2022 թվականի վերջի համար կանխատեսվում է 49 տոկոս գնաճ

ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Թուրքիայի ֆինանսների և գանձապետարանի նախարար Նուրեդդին Նեբաթին Թուրքիայում 2022 և 2023 թվականների կանխատեսվող գնաճի և գնաճի դեմ պայքարի վերաբերյալ հայտարարություններ է արել:

Այս մասին, ինչպես հաղորդում է «Արմենպրես»-ը, հայտնում է թուրքական Sondakika-ն:

Նախարարի փոխանցմամբ՝ 2022թ. վերջի համար կանխատեսվում է 48-ից 49 տոկոս գնաճ, իսկ 2023թ. վերջի համար՝ 19,9 տոկոս:

Բացատրելով, որ մոտ ապագայում տոկոսադրույքի իջեցում չի նախատեսվում՝ Նեբաթին հայտարարել է, որ տոկոսադրույքները կարող են իջեցվել տնտեսական ցուցանիշների ակնկալվող բարելավումից հետո։