Տաջիկստանի պաշտպանության նախարարն այցելել է Անկարա
1 րոպեի ընթերցում
![Տաջիկստանի պաշտպանության նախարարն այցելել է Անկարա](http://armenpress.am/resized/480/static/news/b/2022/04/1081183.jpg)
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Տաջիկստանի պաշտպանության նախարար գեներալ-գնդապետ Շերալի Միրզոն Թուրքիա կատարած այցի շրջանակներում հանդիպել է Թուրքիայի ազգային պաշտպանության նախարար Հուլուսի Աքարի հետ:
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Տեղեկության համաձայն՝ Թուրքիայի և Տաջիկստանի պաշտպանական գերատեսչությունների ղեկավարները Անկարայում ստորագրել են պաշտպանական համագործակցության շրջանակային համաձայնագիր։
Նախարարների գլխավորությամբ տեղի ունեցած բանակցություններն ընթացել են նեղ կազմով և պատվիրակությունների մասնակցությամբ։
Քննարկվել են երկկողմ և տարածաշրջանային անվտանգության և պաշտպանության հարցեր, պաշտպանական արդյունաբերության ոլորտում համագործակցության հեռանկարները։