Երեք ամսում Հայաստան է այցելել 250 հազար 798 զբոսաշրջիկ

ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: 2022 թվականի առաջին եռամսյակում Հայաստան այցելել է 250 հազար 798 զբոսաշրջիկ:

«Արմենպրես»-ի հաղորդմամբ՝ ցուցանիշները ներկայացրել է ՀՀ էկոնոմիկայի նախարար Վահան Քերոբյանը:

«2022 թվականի առաջին եռամսյակում Հայաստան այցելած զբոսաշրջիկների քանակը 250,798 է, 2021-ի նույն ժամանակահատվածում՝ 87,131, 2019-ին՝ 333,150»,-տեղեկացրել է Քերոբյանը:

Նախարարը նաև ներկայացրել է 2016-2022 թվականների տվյալները՝ ըստ ամիսների։