Հրշեջները մարել են Արարատի մարզի Այգեզարդ գյուղում բռնկված հրդեհը

ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Արարատի մարզային ճգնաժամային կառավարման կենտրոնը փետրվարի 20-ին, ժամը 09:19-ին ահազանգ է ստացել, որ Այգեզարդ գյուղի Չկալովկա փողոցի տներից մեկում հրդեհ է բռնկվել:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Ըստ աղբյուրի՝ հրդեհը մեկուսացվել է ժամը 09:49-ին, մարվել՝ 09:56-ին։ Այրվել են տան երկու խոհանոցները(մոտ 20 քմ):