1 րոպեի ընթերցում
ԳՅՈՒՄՐԻ, 16 ՓԵՏՐՎԱՐԻ, ԱՐՄԵՆՊՐԵՍ: Շիրակի մարզում կորոնավիրուսային հիվանդության թվերի աճով պայմանավորված վերաբացվել է Գյումրի բժշկական կենտրոնի կորոնավիրուսային բաժանմունքը: Ինչպես տեղեկացնում «Արմենպրես»-ը, Շիրակի մարզում օրական նմուշառվող քաղաքացիների կեսից ավելիի թեստերի պատասխանները դրական են, ինչն էլ պատճառ է դարձել բաժանմունքը վերաբացելու համար: «Այսօրվա դրությամբ բաժանմունքում 20 հիվանդ կա, իսկ հիվանդանոցի տրիաժ բաժանմունքում 18: Հիվանդները տարբեր տարիքի են, մեծ մասի մոտ առկա է թոքաբորբ։ 676 հիվանդ էլ պոլիկլինիկական ամբուլատոր բուժում է ստանում»,-«Արմենպրես»-ին տեղեկացրեց Շիրակի մարզպետարանի Առողջապահության վարչության պետի պարտականությունները կատարող Լեյլի Ասլանյանը՝ տեղեկացնելով, որ Գյումրի բժշկական կենտրոնի կորոնավիրուսային բաժանմունքում բուժում են ստանում բուժառուներ ինչպես Շիրակի, այդպես էլ Լոռու մարզերից:
Արմենուհի Մխոյան