Թուրքիայում 2023թ. սպասվող նախագահական ընտրություններում իշխող դաշինքի թեկնածուն կրկին կլինի Էրդողանը
1 րոպեի ընթերցում
![Թուրքիայում 2023թ. սպասվող նախագահական ընտրություններում իշխող դաշինքի թեկնածուն կրկին կլինի Էրդողանը](http://armenpress.am/resized/480/static/news/b/2022/02/1074915.jpg)
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Թուրքիայում իշխող «Ժողովրդական դաշինքի» մաս կազմող «Ազգայնական շարժում» կուսակցության (MHP) առաջնորդ Դևլեթ Բահչելին հայտարարել է, որ 2023թ. սպասվող նախագահական ընտրություններում իրենց թեկնածուն կրկին լինելու է Թուրքիայի գործող նախագահ Ռեջեփ Թայիփ Էրդողանը:
Այս մասին, ինչպես հաղորդում է «Արմենպրես»-ը, հայտնում է թուրքական hurriyet.com.tr-ը:
«Մեր նախագահի թեկնածուն հստակ է, և նա պարոն Ռեջեփ Թայիփ Էրդողանն է։ Ես հավատում եմ, որ պարոն Էրդողանը 2023 թվականի հունիսի ընտրություններում մեծ տարբերությամբ կհաղթի, և Ժողովրդական դաշինքը նոր հաղթանակ կգրանցի»,- ասել է Բահչելին։