Հարավային Կորեան միացավ Տարածաշրջանային համակողմանի տնտեսական գործընկերությանը

ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Կորեայի Հանրապետությունում ուժի մեջ Է մտել Տարածաշրջանային համակողմանի տնտեսական գործընկերության (ՏՀՏԳ) համաձայնագիրը: Փետրվարի 1-ին այդ մասին հայտնել Է երկրի կառավարությունը, տեղեկացնում Է «Արմենպրես»-ը:

Նշվում Է, որ այդ քայլի շնորհիվ Հարավային Կորեան նոր շուկաներ մուտքի հնարավոություն կստանա ոչ միայն այնպիսի հանգուցային ճյուղերում, ինչպիսիք են ավտոմոբիլաշինությունը եւ մետաղագործությունը, այլեւ ծառայությունների ոլորտը, ներառյալ առցանց խաղերը, տեսա- եւ լսաարտադրանքը: «Կորեայի Հանրապետության համար, որի տնտեսությունն զգալի չափով հենվում Է արտահանման վրա, դա նշանակում Է շուկաների զգալի բազմազանացում»,- ասված Է հաղորդագրության մեջ:

Երկրի կառավարությունն ավելի վաղ ավարտել Է նախապատրաստական ընթացակարգերը ՏՀՏԳ-ի անարգել իրականացման համար՝ ուղղումներ մտցնելով համապատասխան օրենքներում: Անցյալ տարվա դեկտեմբերի 2-ին համաձանագիրը վավերացվել Է Ազգային ժողովի (խորհրդարանի) կողմից: Չինաստանը եւ 14 այլ երկրներ ՏՀՏԳ-ի ստեղծման շուրջ համաձայնության են հասել Հարավ - արեւելյան Ասիայի պետությունների ասոցիացիայի (ԱՍԵԱՆ) ամենամյա գագաթնաժողովի հարթակներում 200 թվականի նոյեմբերի 15-ին:

Առեւտրական համաձայնագրին մասնակցում են 15 պետություններ՝ Բրունեյը, Կամբոջան, Ինդոնեզիան, Լաոսը, Մալայզիան, Մյանման, Ֆիլիպինները, Սինգապուրը, Թաիլանդը, Վիետնամը, Հարավային Կորեան, Ավստրալիան, Չինաստանը, Ճապոնիան եւ Նոր Զելանդիան: Դրանց Է բաժին ընկնում համաշխարհային համախառն ներքին արդյունքի (ՀՆԱ) մեկ երրորդը, հաղորդել Է ՏԱՍՍ-ը: