1 րոպեի ընթերցում
ԳՅՈՒՄՐԻ,13 ՀՈՒՆՎԱՐԻ,ԱՐՄԵՆՊՐԵՍ: Շիրակի մարզում փակ ճանապարհ այս պահին չկա:
Այս մասին «Արմենպրես»-ին տեղեկացրին Շիրակի մարզպետարանի քաղաքաշինության վարչությունից՝ նշելով, որ հունվարի 13-ին ժամը 10:00-ի դրությամբ Շիրակի մարզի Աշոցքի, Ամասիայի, Ախուրյանի, Արթիկի և Անիի տարածաշրջանների ավտոճանապարհներին ձյուն է տեղում։ ՀՀ միջպետական, հանրապետական, մարզային նշանակության ավտոճանապարհները բաց են: Ճանապարհների որոշ հատվածներում առկա է մերկասառույց։
Սպասարկող ընկերությունները կատարում են ճանապարհների երթևեկելի հատվածների ձյան մաքրման և աղով ու ավազով մշակման աշխատանքներ։
«Այս պահին մարզի ճանապարհներին աշխատում է 18 միավոր տեխնիկա։ Ձյունը շարունակում է տեղալ, մաքրման աշխատանքները ևս: Բոլոր երթուղիներն այս պահին աշխատում են»,- տեղեկացրեց քաղաքաշինության վարչության պետ Խաչատուր Խնձրցյանը։
ԱրմենուհիՄխոյան