398.94
ՀՀ բնապահպանության նախարարությունը ճնշում չի գործադրել աշխատակիցների վրա. Ռոմանոս Պետրոսյան
1 րոպեի ընթերցում
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Հայաստանի բնապահպանության նախարարությունն արտահերթ խորհրդարանական ընտրությունների ժամանակ աշխատակիցների վրա ճնշում չի գործադրել: Այդ մասին կառավարության նիստից հետո լրագրողների հետ զրույցում ասաց ՀՀ բնապահպանության նախարարի պաշտոնակատար Ռոմանոս Պետրոսյանը՝ ավելացնելով, որ ինքը տեղեկություն չունի կառավարությունում աշխատողների վրա ճնշումների մասին:
«Մեր գերատեսչությունում աշխատում են ՀՅԴ ամենանշանավոր ներկայացուցիչների որդիները, «Բարգավաճ Հայաստան» կուսակցության անդամների հարազատները, ովքեր պատշաճ կերպով կատարում են իրենց աշխատանքը: Մենք ունենք ավելի քան 10 այդպիսի աշխատակից, և նրանք նորմալ աշխատում են»,- «Արմենպրես»-ի հաղորդմամբ՝ ասաց Ռոմանոս Պետրոսյանը:
Բաժանորդագրվեք մեր ալիքին Telegram-ում