4 րոպեի ընթերցում
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: ՀՀ ազգային ժողովի արտաքին հարաբերությունների մշտական հանձաժողովի նախագահ Ռուբեն Ռուբինյանը չի բացառում, որ Հայաստանը կարող է ՀԱՊԿ-ին դիմել նաև 4-րդ հոդվածով: «Արմենպրես»-ի հաղորդմամբ՝ Ռուբինյանն այս մասին ասաց ԱԺ-ում լրագրողների հետ զրույցում:
Ռուբինյանը, անդրադառնալով ընդդիմադիրների կողմից հնչող մտքերին, թե ինչու պետք է դաշնակիցներն օգնեն, եթե օրինակ հայկական կողմը չի կրակում՝ ուշադրություն հրավիրեց հետևյալ հանգամանքների վրա: «Նախ հենց մեր դաշնակիցներն են կոչ արել և անում չսրել իրավիճակն ու խնդիրը փորձել լուծել դիվանագիտական և քաղաքական ճանապարհներով: Եվ երկրորդը՝ այն դաշնակցային ֆորմատները, որում մենք ներգրավված ենք, ունեն հստակ նախատեսված հոդվածներ՝ հստակ դեպքերի վերաբերյալ: Եվ մենք, ոչ թե ոչ մի բան չանելով, խնդրում ենք մեզ օգնել, այլ մենք դիմել ենք հստակ փաստաթղթերի հիման վրա, հստակ հոդվածով: Ընդ որում, խոսքը վերաբերում է և ՀԱՊԿ պայմանագրի երկրորդ հոդվածով դիմելուն և հայ-ռուսական երկկողմ պայմանագրի հիման վրա վարչապետի նամակին: Եվ մենք ակնկալում ենք, որ մեր դաշնակիցները կաջակցեն մեզ այս հարցը լուծելու հարցում: Հաշվի առնելով նաև վերջին իրադարձությունները՝ ես չեմ բացառում, որ մենք կհասնենք նաև 4-րդ հոդվածին և ոչ միայն»,-ասաց պատգամավորը:
Խոսելով նախորդ օրը ադրբեջանցիների արձակած կրակոցից զինծառայողի զոհվելու մասին՝ նա շեշտեց, որ տեղի ունեցածը դժբախտ պատահար չէ, դա ադրբեջանական ագրեսիվ դրսևորումներից մեկն է:
«Մեր դիրքորոշումը հետևյալն է՝ ադրբեջանական զինվորները պետք է հեռանան Հայաստանի սուվերեն տարածքից: Հայաստանը փորձում է և փորձելու է խնդիրը լուծել առաջին հերթին քաղաքական, դիվանագիտական ճանապարհներով, ինչը չի նշանակում, որ դա տեղի չունենալու դեպքում չեն կարող լինել այլ լուծումներ»,-ասաց Ռուբինյանը՝ նկատի ունենալով ռազմական լուծումը:
Նա հավելեց՝ ակնկալում են, որ Հայաստանի դաշնակիցները, որոնք Հայաստանի հետ կապված են հստակ կարգավորված փոխպարտավորություններով, այդ թվում` ռազմական, կաջակցեն այս գործընթացում:
«Ներկայիս ստատուս քվոն մեզ համար միանշանակ անընդունելի է, բայց օպերատիվ իրավիճակն այդ հատվածներում գտնվում է մեր զինվորների վերահսկողության ներքո»,-ասաց Ռուբինյանն ու շեշտեց, որ խնդիրը պետք է լուծվի:
Ադրբեջանցիների՝ ՀՀ տարածք ներխուժելու կապակցությամբ Հայաստանը ՀԱՊԿ-ին դիմել է երկրորդ հոդվածով՝ համաձայն որի «մեկ կամ մի քանի մասնակից պետությունների անվտանգությանը, տարածքային ամբողջականությանը և ինքնիշխանությանը սպառնացող վտանգի կամ միջազգային խաղաղությանն ու անվտանգությանը սպառնացող վտանգի դեպքում մասնակից պետություններն անմիջապես կակտիվացնեն համատեղ խորհրդակցությունների մեխանիզմը, իրենց դիրքորոշումները համակարգելու և ծագած սպառնալիքը վերացնելու նպատակով միջոցներ ձեռնարկելու համար»:Հայաստանը պաշտոնապես դիմել է ՀԱՊԿ-ին:
ՀԱՊԿպայմանագրիչորրորդհոդվածիհամաձայն՝եթեանդամպետություններիցորևէմեկըենթարկվիագրեսիայիորևէպետությանկամպետություններիխմբիկողմից,ապաանդամպետություններիկողմիցդակհամարվիորպեսագրեսիապայմանագրիբոլորմասնակիցպետություններիդեմ:Մասնակիցպետություններիցորևէմեկիդեմագրեսիայիակտիիհայտգալուպարագայում,մնացածմասնակիցպետություններըկցուցաբերենանհրաժեշտօժանդակություն`ներառյալռազմականօգնությունը,նաևկցուցաբերենօժանդակությունիրենցտրամադրությանտակգտնվողմիջոցներով`հավաքականպաշտպանությանիրավունքիիրագործմանկարգինհամապատասխան`համաձայնՄԱԿ-իկանոնադրության 51-րդհոդվածի: