398.84
Լավրովն արդյունավետ է գնահատել Միրզոյանի հետ հանդիպումը
1 րոպեի ընթերցում
Ռուսաստանի արտգործնախարար Սերգեյ Լավրովն արդյունավետ է գնահատել ՀՀ ԱԳ նախարար Արարատ Միրզոյանի հետ հանդիպումը։
«Արմենպրես»-ի հաղորդմամբ՝ այս մասին ՌԴ ԱԳ նախարարը նշել է ՀՀ արտաքին գործերի նախարարի հետ հանդիպման արդյունքներով հունվարի 21-ին հրավիրված համատեղ ասուլիսին։
«Համոզված եմ, որ կարծիքների փոխանակումը, որն այսօր տեղի ունեցավ, կնպաստի այն հարցերի լուծմանը, որոնք վերջին շրջանում առաջացել են մեր հարաբերություններում։ Երբեմն դրանք առաջացրել են ոչ այնքան ադեկվատ արձագանք ԶԼՄ-ներում»,-ասել է Լավրովը՝ հավելելով, որ դրա վերաբերյալ ևս Հայաստանի իր գործընկերոջ հետ անկեղծ կարծիքներով, գնահատականներով են կիսվել։
ՌԴ արտգործնախարարի դիտարկմամբ՝ առկա է երկու ժողովուրդների հիմնային ու պրակտիկ շահերից ելնելով հարաբերությունները զարգացնելու շահագրգռվածություն:
Բաժանորդագրվեք մեր ալիքին Telegram-ում