Դիրիժոր Միքայել Ավետիսյանը հանդես կգա Պետական կամերային նվագախմբի հետ

2 րոպեի ընթերցում

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: ԱՄՆ-ից Հայաստան ժամանած դիրիժոր Միքայլ Ավետիսյանը և իտալացի հոբոյահար Ջանֆրանկո Բորտոլատոն հանդես կգան Հայաստանի պետական կամերային նվագախմբի հետ:

«Արմենպրես»-ի հաղորդմամբ՝ «Հոբոյի հմայքը» համերգային երեկոն տեղի կունենա մայիսի 20-ին Կոմիտասի անվան կամերային երաժշտության տանը:

Կհնչեն Դոնիցետիի, Պոնկիելլի, Օդերմատի, Պուչինիի, Ռեսպիգիի ստեղծագործությունները:

Դիրիժոր Միքայել Ավետիսյանը տարբեր տարիներին եղել է ՀՀ ազգային ռադիոյի և հեռուստատեսության նվագախմբի, Օպերայի և բալետի ազգային ակադեմիական թատրոնի դիրիժորը, Երևանի սիմֆոնիկ նվագախմբի գլխավոր դիրիժորը, Հայաստանի Ազգային ֆիլհարմոնիկ նվագախմբի գեղարվեստական ղեկավարը և գլխավոր դիրիժորը: Ղեկավարել է եվրոպական մի շարք նվագախմբեր, հանդես է եկել աշխարհի տարբեր երկրներում: 1999 թվականին տեղափոխվել է ԱՄՆ և հիմնել Գլենդելի ֆիլհարմոնիկ նվագախումբը, որի գեղարվեստական ղեկավարն ու գլխավոր դիրիժորն է: 2002-2007 թվականներին Ավետիսյանը եղել է Նյու Վելիի սիմֆոնիկ նվագախմբի դիրիժորը: 2005-ին մշակութային ոլորտում ձեռբերումների համար պարգևատրվել է Գլենդելի և Լոս Անջելեսի Diamond մրցանակով:

Հոբոյահար Ջանֆրանկո Բորտոլատոն Concorso Nazionale Vittorio մրցույթի դափնեկիր է: 1998-ից Հռոմի օպերային թատրոնի առաջին հոբոյահարն է: Տարբեր տարիների համագործակցել է Ջենովայի Carlo Felice, Միլանի Alla Scala, Թուրինի թագավորական թատրոնների հետ: Մենահամերգներ է ունեցել աշխարհի տարբեր երկրներում: Որպես մենակատար հանդես է եկել Ռիկարդո Մուտիի, Յուրի Տեմիրկանովի, Էլիահու Իմբալիի, Ջանլուիջի Գելմետիի, Ադամ Ֆիշերի, Չարլզ Դյութուայի և այլ հայտնի դիրիժորների ղեկավարությամբ: 2016-ին համագործակցել է նաև Հայաստանի պետական կամերային նվագախմբի հետ:

Հայերեն

Նիկոլ Փաշինյանը շնորհավորական ուղերձ է հղել Լիբանանի վարչապետին

Հայաստան–Մեծ Բրիտանիա համագործակցություն․ Ուիգմորը գործընկերության հուշագիր է ստորագրում Great Ormond Street Hospital-ի հետ

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն