ՀՀ վարչապետը և ՌԴ նախագահը քննարկել են ԼՂ հարցը, էներգետիկ ոլորտը և կորոնավիրուսի դեմ պայքարը
1 րոպեի ընթերցում
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Ինչպես տեղեկացնում է «Արմենպրես»-ը, այս մասին հաղորդագրություն է տարածել Կրեմլի մամուլի ծառայությունը:
«Լեռնային Ղարաբաղի շուրջ ստեղծված իրավիճակը քննարկելիս գոհունակությամբ արձանագրվել է, որ իրավիճակը տարածաշրջանում կայունացել է և մնում է ընդհանուր առմամբ հանգիստ։ Մտքեր են փոխանակվել երկկողմ համագործակցության արդիական հարցերի շուրջ ՝ շեշտադրելով էներգետիկա ոլորտը և կորոնավիրուսի դեմ պայքարը»,- նշված է հաղորդագրության մեջ:
Նշվում է, որ հեռախոսազրույցը տեղի է ունեցել հայկական կողմի նախաձեռնությամբ:
