1 րոպեի ընթերցում
ԳՅՈՒՄՐԻ,18 ՓԵՏՐՎԱՐԻ,ԱՐՄԵՆՊՐԵՍ : Շիրակի մարզի տարածքում ՀՀ միջպետական, հանրապետական, մարզային նշանակության բոլոր ճանապարհները բաց են:
Այս մասին «Արմենպրես»-ին տեղեկացրին Շիրակի մարզպետարանի քաղաքաշինության վարչության տրանսպորտի և ճանապարհաշինության բաժնից՝ նշելով, որ ժամը 9․15-ի դրությամբ Շիրակի մարզի Արթիկի տարածաշրջանի ավտոճանապարհներին ձյուն է տեղում, իսկ Աշոցքում բուքը շարունակվում է։ Աշոցքի, Ախուրյանի և Արթիկի տարածաշրջաններում կան դժվարանցանելի ճանապարհահատվածներ, և առկա է մերկասառույց։ Սպասարկող ընկերություների կողմից կատարվում են ճանապարհների երթևեկելի հատվածների ձյան մաքրման և աղուավազով մշակման աշխատանքներ։ Այս պահին մարզի ճանապարհներին աշխատում է 15 միավոր տեխնիկա։
ԱրմենուհիՄխոյան