Արտաշես Թումանյանը Իրանում և ՀՀ-ում Կատարի դեսպանի հետ քննարկել է տնտեսական հարաբերությունների ակտիվացման հնարավորությունները
1 րոպեի ընթերցում
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ։ Իրանի Իսլամական ՀանրապետությունումՀՀ դեսպան Արտաշես Թումանյանն ընդունեց ԻԻՀ-ում, համատեղության կարգով նաև ՀՀ-ում հավատարմագրված Կատարի Պետության դեսպան Մոհամեդ բեն Համադ Ալ-Հաջրիին։
«Արմենպրես»-ին այս մասին հայտնեցին ԻԻՀ-ում ՀՀ դեսպանությունից։
Կատարի Պետության դեսպանը ՀՀ դեսպանին է հանձնել Կատարի Պետության Էմիր Թամիմ բին Համադ Ալ Թանիի գրությունը՝ ուղղված ՀՀ նախագահ Արմեն Սարգսյանին։
Զրուցակիցները քննարկել են 2021թ․ ընթացքում Հայաստանի Հանրապետության և Կատարի Պետության միջև տնտեսական հարաբերությունների ակտիվացման հնարավորությունները։