Անձնական խիզախություն դրսևորելու համար երեք զինծառայող ներկայացվել է «Արիության համար» մեդալի
1 րոպեի ընթերցում
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Անձնական խիզախություն դրսևորելու, ինքնուրույն մարտական խնդիրներ իրականացնելու համար երեք զինծառայող ներկայացվել է Արցախի Հանրապետության «Արիության համար» մեդալների:
«Արմենպրես»-ին այս մասին տեղեկացնում են ԱՀ պաշտպանության բանակից:
«82-միլիմետրանոց ականանետային մարտկոցի կառավարման դասակի հրամանատար, լեյտենանտ Սասուն Հակոբյանը, դասակի հրամանատար, ավագ լեյտենանտ Արթուր Աբրահամյանը, նշանառու, շարքային Միքայել Մանուկյանը 2020 թվականի սեպտեմբերի 27-ին, գտնվելով շրջափակման մեջ, վտանգը հաշվի չառնելով և չթողնելով մարտական դիրքը, անձնական խիզախությամբ, ինքնուրույն մարտական խնդիրներ են իրականացրել և ոչնչացրել հակառակորդի կենդանի ուժն ու ռազմական գույքը: Երեքն էլ ներկայացված են ԱՀ «Արիության համար» մեդալների»,- նշում են ԱՀ ՊԲ-ից: