Ամենուրեք առկա է ոգևորություն, սխրանք, հերոսություն. Արայիկ Հարությունյանը վերադարձել է առաջնագծից
1 րոպեի ընթերցում
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Արցախի նախագահ Արայիկ Հարությունյանը վերադարձել է առաջնագծից: «Արմենպրես»-ի հաղորդմամբ` այս մասին Հարությունյանը գրել է «Ֆեյսբուք»-ի իր էջում: «Սիրելի ՛ հայրենակիցներ, քիչ առաջ վերադարձա առաջնագծից: Եղել եմ տարբեր հատվածներում. ամենուրեք առկա է ոգևորություն, սխրանք, հերոսություն: Մեր հաղթանակն անկասելի է, քանի որ մեր պաշտպանների ցուցադրած վարքը հայ ժողովրդի հավաքական ուժի և հարատևության բացառիկ դրսևորում է: Ուզում եմ հատուկ շնորհակալություն հայտնել Պաշտպանության բանակին և նրա հրամկազմին՝ իրենց առջև դրված խնդիրը փայլուն կատարելու համար»,- նշել է ԱՀ նախագահը:
Արցախի Հանրապետության նախագահ Արայիկ Հարությունյանը հոկտեմբերի 3-ին հայտնել էր՝ մեկնում է առաջնագիծ՝ իր բաժին մարտը մղելու: