Հասարակական

Անդրանիկ Քոչարյանը կարևոր է համարում աշխարհազորի ստեղծման գաղափարը

1 րոպեի ընթերցում

Անդրանիկ Քոչարյանը կարևոր է համարում աշխարհազորի ստեղծման գաղափարը

ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը կարևոր է համարում աշխարհազորի ստեղծման գաղափարը:

«Արմենպրես»-ի փոխանցմամբ` այս մասին Քոչարյանն ասաց խորհրդարանում լրագրողների հետ զրույցում:

«Կարևոր գաղափար եմ համարում: Աշխարհազորը դիտեք որպես բանակի ամբողջական ռեզերվ, որի մեջ յուրաքանչյուրս ունենալու է իր մասնակցության չափաբաժինը»,- ասաց Քոչարյանը:

Հանձնաժողովի նախագահը հավելեց, որ այժմ գաղափարը դրված է շրջանառման մեջ, և մյուս բոլոր հարցերին անդրադարձ կկատարվի օրենքի նախագծի քննարկումների ընթացքում:

Պաշտպանության նախարարությունը e-draft.am իրավական ակտերի նախագծերի հրապարակման միասնական կայքում հանրային լայն քննարկման է ներկայացրել «Տեղական ինքնակառավարման մասին» Հայաuտանի Հանրապետության օրենքում լրացումներ կատարելու մասին» օրենքի նախագիծը։ Օրենքի նախագծի համաձայն սահմանվում են տեղական ինքնակառավարման մարմիններում աշխարհազորի ստեղծման և ղեկավարման, աշխարհազորայինների հավաքագրման հետ կապված հարաբերությունները:

Նորայր Շողիկյան

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում