1 րոպեի ընթերցում
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Ազգային անվտանգության ծառայության տնօրեն Արգիշտի Քյարամյանն Առողջապահության նախարար Արսեն Թորոսյանին ԱԱԾ կանչելու որևէ հիմք չի տեսնում: «Արմենպրես»-ի փոխանցմամբ՝ այս մասին Քյարամյանն ասաց Ազգային ժողովում լրագրողների հետ զրույցում, պատասխանելով այն հարցին, թե արդյոք վերջին օրերին Թորոսյանը կանչվել է ԱԱԾ:
«Ոչ, չի կանչվել: Արսեն Թորոսյանին ԱԱԾ կանչելու որևէ հիմք չկա»,- ասաց Քյարամյանը:
Վերջին օրերին լրատվամիջոցներում լուրեր են տարածվում այն մասին, որ Արսեն Թորոսյանը հրաժարական է ներկայացրել, կանչվել նաև Ազգային անվտանգության ծառայություն: Թորոսյանը հերքել է հրաժարականի մասին տեղեկությունները:
Նորայր Շողիկյան