398.94
44-օրյա պատերազմից հետո յուրաքանչյուր անհետ կորածի վերաբերյալ քննչական կոմիտեն իրականացրել է անհատական քննություն
1 րոպեի ընթերցում
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Քննչական կոմիտեն 44-օրյա պատերազմից հետո անհատական քննություն է իրականացրել յուրաքանչյուր անհետ կորածի վերաբերյալ:
«Արմենպրես»-ի հաղորդմամբ՝ այս մասին ասաց Քննչական կոմիտեի նախագահ Արգիշտի Քյարամյանը հանցավորության վիճակի, բարեփոխումների, արդյունքների վերաբերյալ խորհրդարանական լսումներում:
Քյարամյանը նշեց, որ դեռևս շատ վաղուց էին որոշել, որ պետք է անհատական քննություն իրականացնեն յուրաքանչյուր անհետ կորածի վերաբերյալ:
«Եվ մենք իրականացրել ենք այդ քննությունը: Այսօր ունենք յուրաքանչյուր անհետ կորածի հետագծելիություն՝ և՛ քարտեզի վրա առանձին, և՛ ցուցմունքներով ու մնացած ապացույցներով հիմնավորված»,-ասաց նա՝ հավելելով, որ մեկի վերաբերյալ ունեն առանձին կազմված տեղեկանքներ:
Ըստ կոմիտեի ղեկավարի՝ եթե հետագայում անհետ կորածների որոնողական աշխատանքներ սկսեն, դրանք շատ կարևոր կարող են լինել:
Բաժանորդագրվեք մեր ալիքին Telegram-ում