Երևանում շուտով կտեղադրվի 300 մոխրաման

ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ։ Երևանի բոլոր վարչական շրջաններում առաջիկայում կտեղադրվի ընդհանուր առմամբ 300 մոխրաման։

«Արմենպրես»-ի հաղորդմամբ՝ այս մասին տեղեկացնում են Երևանի քաղաքապետարանից։

«Շուտով Երևանի բոլոր վարչական շրջաններում կտեղադրվեն մոխրամաններ։ Երևանի քաղաքապետարանին 300 հատ մոխրաման է նվիրել ԱՄՆ Միջազգային զարգացման գործակալությունը (USAID Armenia)»,- հայտնում են քաղաքապետարանից։

Լիլիթ Դեմուրյան