Հավանության են արժանացել Գեղարքունիքի մարզից ներկայացված եւս 20 սուբվենցիոն ծրագրային հայտեր
2 րոպեի ընթերցում
ԳԱՎԱՌ, 11 ՀՈՒՆԻՍԻ, ԱՐՄԵՆՊՐԵՍ: Սուբվենցիաներ ստանալու նպատակով ծրագրային հայտերի գնահատման միջգերատեսչական հանձնաժողովի հերթական նիստի ընթացքում քննարկվել եւ հավանության են արժանացել Գեղարքունիքի մարզի համայնքներից ներկայացված եւս 20 ծրագրային հայտեր:
Ինչպես «Արմենպրես»-ին տեղեկացրին Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնից, այդ ցանկում ներառված են Ծովագյուղ համայնքի «Ասֆալտբետոնե ծածկույթի վերանորոգման աշխատանքներ», Լիճք համայնքի «Ա 6 թաղ թիվ 1 փող., Ա 2 թաղ. թիվ 1 եւ 9 փողոցների ասֆալտապատում», Արծվանիստ համայնքի «Մանկապարտեզի տանիքի վերանորոգում», Ակունք համայնքի «Բարեկամություն /1 480 մետր/ եւ Շահումյան /120 մետր/ փողոցների ասֆալտապատում», Ակունք համայնքի «Մշակույթի տան բակի պուրակի բարեկարգում», Ձորագյուղ համայնքի «11-րդ եւ 12-րդ փողոցների ասֆալտապատում», Մարտունի համայնքի «Երեւանյան փողոցի երթեւեկելի հատվածի ասֆալտապատում եւ մայթերի կառուցում», Զովաբեր համայնքի «Ներհամայնքային 1-ին փողոցի ասֆալտապատում» եւ «Զովաբեր համայնքի խմելու ջրի խողովակաշարի կապիտալ վերանորոգում» և այլ ծրագրեր:
Համայնքներում առաջիկայում ՀՀ օրենսդրությամբ սահմանված կարգով կհայտարարվեն ծրագրերի իրականացման մրցույթներ:
Խոսրով Խլղաթյան