367.25
Փաշինյանն Վրաստանի հետ հարաբերությունները գնահատում է աննախադեպ լավ
1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի կարծիքով` Հայաստանի ու Վրաստանի հարաբերությունները նախկինում երբեք ավելի լավը չեն եղել, քան հիմա կան: «Արմենպրես»-ի փոխանցմամբ` այս մասին Փաշինյանն ասաց Վրաստանի մայրաքաղաք Թբիլիսիում հայ համայնքի հետ հանդիպման ընթացքում:
«Հաշվի առնելով, նույնիսկ, այն փաստը, որ մեր երկրների հարաբերությունները միշտ լավ են եղել, մենք ունենք հիմա բացառիկ լավ մթնոլորտ և կարծում եմ, որ մեր հարաբերությունները նախկինում երբեք ավելի լավ չեն եղել»,- ասաց Փաշինյանը:
Նիկոլ Փաշինյանը նման լավ հարաբերությունները հնարավորություն է համարում երկու երկրների համար:
«Իմ առաջարկն այն է, որ մենք մեր հարաբերություններին նայենք 100-ամյակների կտրվածքով, այսօրվանից կարողանանք ընդհանուր պատկերացումներ ունենալ այդ ապագայի նկատմամբ, որովհետև մենք այս տարածաշրջանում կողք կողքի ապրել ենք հազարամյակներով»,- նշեց վարչապետը:
ՀՀ վարչապետ Նիկոլ Փաշինյանը Վրաստան է մեկնել պաշտոնական այցով:
Բաժանորդագրվեք մեր ալիքին Telegram-ում