368.18
Դել Պիերոն Երևանում էր տրանզիտ վիզա ստանալու նպատակով. նա մեկնել է Մոսկվա
1 րոպեի ընթերցում
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Ֆուտբոլի աշխարհի չեմպիոն Ալեսանդրո Դել Պիերոն Հայաստանում էր տրանզիտ վիզա ստանալու նպատակով:
«Արմենպրես»-ի հաղորդմամբ` այս մասին «Ֆեյսբուք»-ի իր էջում գրել է Հայաստանի ֆուտբոլի ֆեդերացիայի մամուլի խոսնակ Հայկ Կարապետյանը` հավելելով, որ նա արդեն Հայաստանում չէ:
Հայտնի սպորտային մեկնաբան Նոբել Առուստամյանը «Ինստագրամ»-ի իր էջում լուսանկար է հրապարակել Ալեսանդրո Դել Պիերոյի հետ: Լուսանկարի մեկնաբանություններից պարզ է դառնում, որ Դել Պիերոն Երևանից Մոսկվա է մեկնել:
Ավելի վաղ հայտնի էր դարձել, որ իտալացի լեգենդար ֆուտբոլիստ, աշխարհ չեմպիոն Ալեսանդրո Դել Պիերոն Երևանում է: «Ինստագրամ»-ի իր էջի սթորի բաժնում դել Պիերոն տեսանյութ էր հրապարակել Երևանի տեսարանով, որում երևում է նաև Արարատ լեռը: Տեսանյութն ուղեկցվում է հետևյալ գրառմամբ՝ «Բարի լույս, Երևան»:
Բաժանորդագրվեք մեր ալիքին Telegram-ում