Շաբաթ և կիրակի Երևանի պոլիկլինիկաներում կսահմանվի հերթապահություն

ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Երևանի քաղաքապետարանի ենթակայությամբ գործող ամբուլատոր-պոլիկլինիկական հաստատություններում շաբաթ և կիրակի օրերին սահմանվել է հերթապահություն` ժամը 10:00-16:00-ը: Այս մասին «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից ՝ հավելելով, որ քաղաքացիները սուր շնչառական հիվանդությունների նշանների ի հայտ գալու դեպքում կարող են դիմել իրենց սպասարկող ամբուլատոր-պոլիկլինիկական հաստատություն: