1 րոպեի ընթերցում
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Միացյալ ազգերի կազմակերպության կողմից հռչակված Կրթության միջազգային օրվա կապակցությամբ ՀՀ կրթության, գիտության, մշակույթի և սպորտի նախարար Արայիկ Հարությունյանը նախարարության Ֆեյսբուք-ի էջում գրել է, որ կրթությունը լավագույն ներդրումն է, որ կարող ենք ունենալ մեր հաջողության համար:
«Մենք ամեն ինչ անելու ենք, որ տարիներ հետո Հայաստանի կրթական համակարգը կարողանա ապահովել մեր երկրի տաղանդավոր անհատների լավագույն ապագան: Համակարգային բարեփոխումներ սկսել ենք տարբեր մակարդակներում`նախադպրոցական կրթություն,հանրակրթություն,բարձրագույն կրթություն»,-«Արմենպրես»-ի հաղորդմամբ` ընդգծել է Հարությունյանը:
Նա շեշտել է, որ սպասվող փոփոխությունների մասին դեռ շատ են խոսելու, իսկ մինչ այդ պետք է օգտագործել անսպառ հնարավորությունները ամեն օրը մի նոր բան սովորելու համար: