Ինովացիա

Alphabet-ը զուտ շահույթի անկում Է արձանագրել մինչեւ 7 մլրդ դոլար

2 րոպեի ընթերցում

Alphabet-ը զուտ շահույթի անկում Է արձանագրել մինչեւ 7 մլրդ դոլար
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Alphabet կորպորացիայի հասույթը, որը նաեւ Google ընկերության սեփականատերն Է, 2019 թվականի երրորդ եռամսյակում գերազանցել Է 40,4 մլրդ դոլարը՝ մեկ տարի առաջվա 33,7 մլրդ դոլարի դիմաց: Այդ մասին, ինչպես տեղեկացնում Է «Արմենպրես»-ը, վկայում Է հոկտեմբերի 28-ին հրապարակված կորպորատիվ հաշվետվությունը: Հասույթի ցուցանիշը 21 տոկոսով աճել Է անցյալ տարվա համապատասխան ժամանակաշրջանի համեմատությամբ: The Wall Street Journal թերթի տվյալներով՝ արդյունքները վերլուծաբանների սպասումներից ցածր են եղել: Հաշվետվության մեջ արձանագրվում Է, որ Alphabet-ի զուտ շահույթը երրորդ եռամսյակի արդյունքներով հասել Է 7,068 մլրդ դոլարի: Անցալ տարի նշված ժամանակաշրջանում այն կազմել Էր 9,192 մլրդ դոլար: Google-ն ամերիկյան հանրային կորպորացիա Է, որը ներդրումներ Է անում ինտերնետ-որոնման եւ գովազդային տեխնոլոգիաների բնագավառում, ինչպես նաեւ զբաղվում Է առցանց-ծառայությունների եւ բարձրտեխնոլոգիական արտադրանքների մշակմամբ: Ընկերությունը, որն ստեղծվել Է Լարի Փեյջի եւ Սերգեյ Բրինի կողմից, առաջին անգամ որպես մասնավոր ձեռնարկություն գրանցվել Է 1998 թվականի սեպտեմբերին, իսկ այժմ Alphabet հոլդինգի բաղկացուցիչ մասն Է: Նրա կենտրոնակայանը գտնվում Է Մաունթին-Վյու քաղաքում (Կալիֆոռնիայի նահանգ), հաղորդել Է ՏԱՍՍ-ը:
AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում