Ժամանակը Երևանում՝ 11:07:36,   23 Հոկտեմբեր

Armenian Assembly հասարակական կազմակերպությունը և ՎՏԲ Հայաստան բանկը հուշագիր են ստորագրել

Armenian Assembly հասարակական կազմակերպությունը և ՎՏԲ Հայաստան բանկը 
հուշագիր են ստորագրել

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Armenian Assembly հասարակական կազմակերպության և ՎՏԲ Հայաստան բանկի միջև սեպտեմբերի 20-ին տեղի ունեցած մամուլի ասուլիսի ընթացքում ստորագրվել է համաձայնագիր, ինչը Armenia Guide հավելվածում առաջին վիրտուալ զբոսաշրջային քարտի ստեղծման աշխատանքի սկիզբ կդառնա։

Վիրտուալ քարտը հասանելի կլինի արդեն 2020 թվականին։ Սա վիրտուալ, բազմարժութային, զբոսաշրջային քարտ է, որը հասանելի է կլինի Armenia Guide հավելվածում։ Այս տարի գործարար և մշակութային նախաձեռնություններին աջակցող Armenian Assembly հասարակական կազմակերպության Armenia Guide հարթակի «Հայաստանի վիրտուալ զբոսաշրջային քարտ» նախագիծը լավագույն նորարարական ստարտափ լուծում է ճանաչվել՝ զբաղեցնելով առաջին հորիզոնականը «ՎՏԲ-Վիզա 2019 մանրածախ բիզնեսի ինովացիոն ֆորում»-ի շրջանակներում անցկացված մրցույթում:

Նախագիծը միջազգային Visa վճարային համակարգի կողմից լավագույնն է ճանաչվել մրցույթում, որտեղ ներկայացված էին փոքր բիզնեսի զարգացման և թվայնացման նորարարական լուծումներ՝ ԱՊՀ երկրներից և Վրաստանից։ «Armenian Assembly-ի հիմնական նպատակը հայկական սփյուռքի կոնսոլիդացիայի նոր մեխանիզմների փնտրտուքն է ոչ միայն Ռուսաստանում, այլ ամբողջ աշխարհում։ Այդ մոդելներից մեկն էլ նորարարական պրոդուկտների և հարթակների փնտրտուքն է։

«Armenia Guide-ը հարթակ է, որն ուղղակի ֆինանսական բաղկացուցչի ներդրում է նախաձեռնում և կարող է կենդանի մեխանիզմ դառնալ զբոսաշրջիկներին Հայաստանով գրավելու հարցում։ Դրանից բացի, Armenia Guide-ը նախաձեռնություն է, որը ոչ միայն ուղեցույց է Հայաստանի, այլ հայկական ամեն ինչի մասին»,- ասել է Armenian Assembly-ի Հանրային խորհրդի բարձրագույն մարմնի նախագահ Վահե Ենգիբարյանը։

« ՎՏԲ  Հայաստան Բանկ»-ը  մ շտապես աջակցում է հետաքրքիր գաղափարներին ու առաջարկություններին, մանավանդ, եթե խոսքը ստարտափերի մասին .  սկսնակ ձեռներեցներին աջակցությունը՝ բիզնեսի զարգացման հարցում մեր առաջնահերթություններից մեկն է։ «Մեր վիրտուալ զբոսաշրջային քարտերի միջոցով Armenia Guide հավելվածում զբոսաշրջիկները հեշտությամբ կկարողանան իրականացնել դրամային փոխանցումներ արտերկրից և հասանելիություն կունենան միաժամանակ 4 արտարժույթային հաշիվների։ Այս նախագիծն ուղղված է Հայաստանի ինչպես ներքին, այնպես էլ արտաքին տուրիզմի շուկայի ընդլայնմանը, նաև ծառայությունների ամբողջական ցիկլի տրամադրման միջոցով՝ զբոսաշրջային պրոդուկտների դիվերսիֆիկացիային»,- նշել է «ՎՏԲ Հայաստան Բանկ»-ի գլխավոր տնօրեն, տնօրենների խորհրդի նախագահող Իվան Տելեգինը։

2020 թվականին Հայաստանի զբոսաշրջիկներին և բնակիչներին կներկայացվի բազմարժութային վիրտուալ քարտ, որը կընդլայնի երկրով ճանապարհորդելու հնարավորությունները։ Վիրտուալ քարտը հնարավորություն կտա օգտատերերին հենց հավելվածի միջոցով վճարել ծառայությունների և Armenia Guide պրոդուկտների (միջոցառումների տոմսեր, հյուրանոցային համարների և ռեստորաններում սեղանների ամրագրում, տուրեր և այլն) համար, անմիջապես ձևակերպել վիրտուալ քարտեր՝ անցնելով նույնականացումը հավելվածից կատարվող տեսազանգի միջոցով, ստանալ հնարավորություն մուտք գործելու վիրտուալ քարտի միանգամից չորս հաշիվներ (AMD, USD, EUR, RUR), զբոսաշրջության նպատակով արտասահմանից փոխանցումներ կատարել վիրտուալ քարտի հաշվին և վիրտուալ քարտով տարբեր ծառայությունների համար վճարելիս՝ ստանալ արտարժույթի փոխարկման նպաստավոր պայմաններ։

Կատարված գործարքների արդյունքում օգտատերերը կկուտակեն բոնուսային միավորներ՝ հնարավորություն ունենալով դրանք հետագայում փոխանակել համագործակցող կազմակերպությունների ապրանք-ծառայությունների հետ:

Armenia Guide հավելվածի նպատակն է միավորել զբոսաշրջության ոլորտի ներկայացուցիչներին մեկ հարթակում՝ Հայաստանում զբոսաշրջության զարգացման առաքելությամբ, ընդարձակել Հայաստանի թե՛ ներգնա, թե՛ արտագնա տուրիզմի շուկայի ծավալները, ինչպես նաև դիվերսիֆիկացնել Հայաստանի զբոսաշրջային առաջարկը՝ մատուցելով տուրիստական ծառայությունների ամբողջական շրջափուլը: Բջջային հավելվածի պաշտոնական մեկնարկը տրվել է Armenian Summit of Minds գագաթնաժողովի շրջանակներում՝ 2019 թ.-ի հունիսին:

Հավելվածը զբոսաշրջիկներին և տեղացիներին ներկայացնում է երկրի ամենասպասված միջոցառումները, հետաքրքիր երթուղիները և գլխավոր տեսարժան վայրերը: Armenia Guide-ը կարելի է ներբեռնել AppStore-ում (https://apps.apple.com/us/app/armenia-guide/id1412624238) և Google Play-ում (https://play.google.com/ store/apps/details?id=ru.moscowseasons.armonia&hl=ru):

Armenian Assembly-ն հասարակական կազմակերպություն է, որի նպատակը Հայաստանում և Սփյուռքում մշակույթի, կրթության, զբոսաշրջության և տեղեկատվական տեխնոլոգիաների ոլորտներում սոցիալական ձեռներեցության նախագծերի աջակցությունն ու իրականացումն է: Իր ակտիվ գործունեության առաջին տարվա ընթացքում կազմակերպությունն իրականացրել և աջակցել է ավելի քան 10 նախագծի՝ Հայաստանում և Ռուսաստանում:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ