Միջազգային

Նազարբաեւը դեմ Է արտահայտվել Ղազախստանում մեծամասնական ընտրական համակարգ սահմանելուն

1 րոպեի ընթերցում

Նազարբաեւը դեմ Է արտահայտվել Ղազախստանում մեծամասնական ընտրական համակարգ սահմանելուն

ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Ղազախստանի առաջին նախագահ եւ Nur Otan կուսակցության նախագահ Նուրսուլթան Նազարբաեւը հայտարարել Է, որ Ղազախստանում մեծամասնական ընտրական համակարգ սահմանելու փաստարկներ չկան, տեղեկացնում Է «Արմենպրես»-ը:

«Մասլիհաթների (տեղական ներկայացուցչական մարմինների), ինչպես նաեւ Մաժիլիսի (խորհրդարանի ստորին պալատի) հաջորդ ընտությունները տեղի կունենան կուսակցական ցուցակներով: Մենք լսում ենք մեր առանձին ընդդիմախոսներին կամ բլոգերներին, որոնք առաջարկում են վերադառնալ մեծամասնական համակարգին, անցկացնել վաղաժամկետ խորհրդարանական ընտրություններ եւ այլ բաներ: Անհրաժեշտ Է այսօր պատասխան տալ այդ ելույթներին: Հիմնավորված փաստարկներ այստեղ չկան, սոսկ դատողություններ են, ինչպես միշտ»,- ասել Է Նազարբաեւը Nur Otan կուսակցության քաղաքական խորհրդի ընդլայնված նիստում:

Մաժիլիսի նախորդ ընտրությունները տեղի են ունեցել 2016 թվականի մարտին: Մաժիլիսի պատգամավորներն ընտրվում են հնգամյա ժամկետով, այդպիսով, հերթական ընտրությունները պետք Է տեղի ունենան 2021 թվականին, հաղորդել Է ՌԻԱ Նովոստին:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում