387.58
ՀՀ կառավարությունն ինտենսիվ աշխատանքներ է տանում ՀՀ-ում առկա չօգտագործվող հողակտորները շրջանառության մեջ դնելու ուղղությամբ
1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Հայաստանի Հանրապետության կառավարությունն ինտենսիվ աշխատանքներ է տանում երկրում առկա չօգտագործվող հողակտորները շրջանառության մեջ դնելու ուղղությամբ:
«Արմենպրես»-ի փոխանցմամբ` այս մասին մայիսի 21-ին Գիտությունների ազգային ակադեմիայում «Տնտեսական հեղափոխության հիմնարար ուղենիշերը Հայաստանի Հանրապետությունում» գիտաժողովի ընթացքում ասաց ՀՀ վարչապետ Նիկոլ Փաշինյանը:
«Հիմա կառավարությունում շատ մեծ ինտենսիվությամբ այս խնդրի վրա աշխատում ենք, որպեսզի կարողանանք չօգտագործվող հողակտորները շրջանառության մեջ դնել: Այստեղ ամենամեծ խնդիրը, որ պետք է լուծենք, զուտ իրավական է, որպեսզի քաղաքացիների սեփականության իրավունքների խախտումներ տեղի չունենան, և այստեղ նրանց իրավունքները լիարժեքորեն պաշտպանվեն»,- ասաց վարչապետը:
