Ավելի քան 6 մլն մարդ Է ստորագրել Brexit-ի չեղարկման հանրագիրը
2 րոպեի ընթերցում
![Ավելի քան 6 մլն մարդ Է ստորագրել Brexit-ի չեղարկման հանրագիրը](http://armenpress.am/resized/480/static/news/b/2019/04/969613.jpg)
Ավելի վաղ երկրի կառավարությունն արձագանքել Է այդ հանրագրին, հայտարարելով, որ չի հրաժարվելու Brexit-ից, քանի որ մտադիր Է հարգել 2016 թվականի հանրաքվեի արդյունքները եւ խորհրդարանի հետ միասին աշխատել այն գործարքի հաստատման համար, որը կապահովի ԵՄ-ից Միացյալ Թագավորության կանոնակարգված դուրս գալը:
YouGov սոցիոլոգիական ծառայության անցկացրած հարցման՝ հրապարակված տվյալների համաձայն՝ ներկայում բրիտանացիների 61 տոկոսը ցանկանում Է, որ Միացյալ Թագավորությունը դուրս չգա Եվրամիությունից: Հարցվածների 39 տոկոսը պատրաստ Է պաշտպանել Լոնդոնի եւ Բրյուսելի «ապահարզանն» այն պայմաններով, որոնք ամրագրված են Brexit-ի վերաբերյալ համաձայնագրի նախագծում, որը հաստատվել Է Եվրամիության կողմից, բայց առայժմ չի ստացել բրիտանական խորհրդարանի հավանությունը, հաղորդել Է ՏԱՍՍ-ը: