Վիետնամը փակել Է ՉԺՀ-ի հետ սահմանի երկաթուղային կայարանը Կիմ Չեն Ունի ժամանման կապակցությամբ
1 րոպեի ընթերցում
![Վիետնամը փակել Է ՉԺՀ-ի հետ սահմանի երկաթուղային կայարանը Կիմ Չեն Ունի ժամանման կապակցությամբ](http://armenpress.am/resized/480/static/news/b/2019/02/965425.jpg)
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Վիետնամի իշխանությունները փակել են Լանգշոնի հյուսիսային նահանգի՝ Չինաստանի հետ սահմանի Դոնգդանգ երկաթուղային կայարանը՝ ԿԺԴՀ-ի առաջնորդ Կիմ Չեն Ունի սպասվող ժամանման կապակցությամբ: Փետրվարի 25-ին այս մասին ՏԱՍՍ-ին հայտնել Է այն շրջանների մի աղբյուր, որոնք զբաղվում են Հանոյում փետրվարի 27 – 28-ը կայանալիք՝ ԿԺԴՀ – ԱՄՆ երկրորդ գագաթնաժողովի նախապատրաստմամբ:
«Սահմանափակումները գործում են փետրվարի 24-ից մինչեւ մարտի 2-ը»,- ասել Է զրուցակիցը: Աղբյուրը նաեւ հայտնել Է, որ «ԿԺԴՀ-ի հատուկ գնացքն, ինչպես սպասվում Է, փետրվարի 26-ին կժամանի Դոնգդանգ կայարան, որտեղից Հյուսիսային Կորեայի պատվիրակությունն ավտոմոբիլային տրանսպորտով արագընթացիկ խճուղով կուղեւորվի Հանոյ (հեռավորությունը կազմում Է շուրջ 180 կիլոմետր)»:
Հիշեցնենք, որ ԿԺԴՀ-ի առաջնորդն իր զրահապատ գնացքով Փհենյանի կայարանից Հանոյ Է ուղեւորվել փետրվարի 23-ի օրվա երկրորդ կեսին: ԿԺԴՀ-ի մայրաքաղաքից մինչեւ Վիետնամ երկաթուղային երթուղու ընդհանուր երկարությունը կազմում Է 4,1 հազար կիլոմետր: