ԿԺԴՀ-ի առաջնորդի այցը Հարավային Կորեա կարող է տեղի ունենալ մինչեւ տարեվերջ
1 րոպեի ընթերցում
![ԿԺԴՀ-ի առաջնորդի այցը Հարավային Կորեա կարող է տեղի ունենալ մինչեւ տարեվերջ](http://armenpress.am/resized/480/static/news/b/2018/12/956629.jpg)
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: ԿԺԴՀ-ի առաջնորդ Կիմ Չեն Ունի այցը Կորեայի Հանրապետություն կարող Է տեղի ունենալ մինչեւ ընթացիկ տարվա վերջը: Այդ մասին, ինչպես տեղեկացնում Է «Արմենպրես»-ը, դեկտեմբերի 3-ին Սեուլում կայացած ճեպազրույցի ժամանակ լրագրողներին հայտնել Է Հարավային Կորեայի միավորման նախարարության ներկայացուցիչ Պեկ Դե Հյոնը:
«Նախարարությունը կարծում Է, որ այցը կարող Է կայանալ մինչեւ ընթացիկ տարվա վերջը, եւ հանգիստ շարունակում Է աշխատանքը, որպեսզի համապատասխան միջկորեական համաձայնություններն իրագործվեն առանց խնդիրների»,- նշել Է գերատեսչության ներկայացուցիչը:
Ավելի վաղ հարավկորեական ԶԼՄ-ները հայտնել են, որ Կիմ Չեն Ունը Հարավային Կորեա կայցելի դեկտեմբերի 13-ից 14-ն ընկած ժամանակահատվածում, հաղորդել Է ՏԱՍՍ-ը: