Գեղասահորդ Սլավիկ Հայրապետյանը բրոնզե մեդալ է նվաճել Բելառուսում

ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Գեղասահքի Հայաստանի հավաքականի անդամ Սլավիկ Հայրապետյանը հաջող ելույթ է ունեցել Բելառուսի միջազգային մրցաշարում:

«Արմենպրես»-ի հաղորդմամբ՝ տղամարդկանց մենասահքում Հայրապետյանը կարճ և ազատ ծրագրերում ընդհանուր առմամբ հավաքեց 189.56 միավոր և արժանացավ երրորդ հորիզոնականի: Մրցաշարին մասնակցում էին 12 գեղասահորդներ:

Կանանց պայքարում Հայաստանի ներկայացուցիչ Անաստասիա Գալուստյանը գրավեց 4-րդ հորիզոնականը: