Ադրբեջանական գյուղերից մեկի բնակիչը ողջ-ողջ հրկիզել է քրոջ ամուսնուն
1 րոպեի ընթերցում
![Ադրբեջանական գյուղերից մեկի բնակիչը ողջ-ողջ հրկիզել է քրոջ ամուսնուն](http://armenpress.am/resized/480/static/news/b/2018/10/949712.jpg)
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի Թովուզի շրջանի Գովլար գյուղում ողջ-ողջ հրկիզել են 1981թ. ծնված Էլբուրսա Ալեկբերովին:
Այս մասին, ինչպես հաղորդում է «Արմենպրես»-ը, հայտնում են ադրբեջանական ԶԼՄ-ները:
Ալեկբերովը ծանր այրվածքներով տեղափոխվել է Թովուզի շրջանային հիվանդանոց:
Դեպքի առթիվ հարուցվել է քրեական գործ, ինչի շրջանակներում պարզվել է, որ Էլբուրսա Ալեկբերովին հրկիզել է նրա կնոջ եղբայր Վուգար Ալեկբերովը:
Վուգար Ալեկբերովը եկել է քրոջ տուն, և նրա ամուսնուն տեսել սիրուհու հետ, ինչից հետո, պաշտպանելով քրոջ պատիվը, հրկիզել է փեսային: