ՀՀ ոստիկանության կողմից միջազգային մակարդակով հետախուզվող Արամ Վարդանյանը ձերբակալվել է Դուբայում
1 րոպեի ընթերցում
![ՀՀ ոստիկանության կողմից միջազգային մակարդակով հետախուզվող Արամ Վարդանյանը ձերբակալվել է Դուբայում](http://armenpress.am/resized/480/static/news/b/2018/07/942171.jpg)
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Միացյալ Արաբական Էմիրությունների Ինտերպոլի ազգային կենտրոնական բյուրոյից հուլիսի 30-ին ՀՀ ոստիկանության Ինտերպոլի ԱԿԲ տեղեկատվություն է ստացվել, որ նույն օրը Դուբայի օդանավակայանում հայտնաբերվել և ձերբակալվել է ՀՀ քրեական օրենսգրքի 131 հոդվածի 2-րդ մասի 1-ին, 2-րդ և 3-րդ կետերի հատկանիշներով միջազգային մակարդակով հետախուզման մեջ գտնվող, 1971 թ. ծնված Արամ Վարդանյանը:
Ինչպես «Արմենպրես»-ին տեղեկացրին ոստիկանության լրատվության և հասարակայնության հետ կապերի վարչությունից, ձեռնարկվում են համապատասխան միջոցառումներ վերջինիս արտահանձնման գործընթացը կազմակերպելու ուղղությամբ: