Մոսկվան հուսով Է, որ Հայաստանում իրադրությունը կզարգանա օրենքի շրջանակներում. Պեսկով
1 րոպեի ընթերցում
![Մոսկվան հուսով Է, որ Հայաստանում իրադրությունը կզարգանա օրենքի շրջանակներում. Պեսկով](http://armenpress.am/resized/480/static/news/b/2018/04/930379.jpg)
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Ռուսաստանը հուսով Է, որ Հայաստանում իրադրությունը կզարգանա օրենքի շրջանակներում: Այդ մասին, ինչպես հաղորդել Է ՏԱՍՍ-ը, լրագրողների հետ զրույցում հայտարարել Է ՌԴ նախագահի մամուլի քարտուղար Դմիտրի Պեսկովը՝ պատասխանելով այն հարցին, թե Մոսկվայում հետեւում են արդյոք Երեւանում տեղի ունեցող բողոքի գործողություններին:
Կրեմլի ներկայացուցիչը հիշեցրել Է, որ ՌԴ նախագահ Վլադիմիր Պուտինն ապրիլի 17-ին շնորհավորական հեռագիր Է ուղարկել Սերժ Սարգսյանին՝ Հայաստանի վարչապետ ընտրվելու կապակցությամբ, ավելի ուշ կայացել Է նրանց հեռախոսազրույցը:
«Մենք հետեւում ենք Հայաստանում տեղի ունեցող իրադարձություններին, եւ, որ գլխավորն Է, հուսով ենք, որ ամեն ինչ կընթանա օրինականության շրջանակներում»,-ասել Է Պեսկովը: